Стогадовай даўніны заданьне ад smatrycenka

[deo_gratias]

Сяржук выбраў гэты здымак, каб я што-небудзь пра яго распавяла.



У цудоўным горадзе Тбілісі ёсьць Катэдральны касьцёл Найсьвяцейшай Панны Марыі. У двары гэтага касьцёла некалькі будыначкаў: нейкая навучальная ўстанова (катэхэтычны каледж?), магчыма, плябань, а яшчэ загадкавыя дзьверы, каля якіх проста на сьцяне адбітая вось гэтая галубка, відаць, тая, што Ною добрую вестку прынесла. Я думаю, што там нейкае мясцовае душпастырства, але спытацца і высьветліць, на жаль, не давялося. Адклалася да іншага разу. А подпіс "Саба" таксама біблійны. Была калісьці краіна такая, зь якой "валадары прынясуць Яму золата". Мабыць, і цяпер існуе ды па-іншаму завецца.

Хачу ізноў у Грузію!!!

Comments

[smatrycenka.livejournal.com]

:)) Дык вось як гэта чытаецца. Пра Сабу сёе-тое ў Вікіпедыі напісана.

[ave2000.livejournal.com]

Балазе, альфабэт грузінскі яшчэ памятаю :) А вось з лексыкай цяжэй: словаў 20 набярэцца (ня лічачы дзён тыдня, месяцаў і ліку да 30))) — усё, што ў трэцім класе вывучылася. Далей цікавасьць загасла, на жаль.