29 ліпеня — успамін сьв. Марты

Сьвятая Марта — сястра Лазара і Марыі, якая ня раз прымала ў сваім доме Езуса, прыслугоўваючы Яму.

Паводле праванскай легенды, пасьля Ўнебаўшэсьця Хрыста, юдэі пасадзілі Лазара зь сёстрамі ў човен бяз ветразя і пусьцілі ў Міжземнае мора. Дзякуючы провіду Божаму, вандроўнікі шчасьліва дасягнулі ўзьбярэжжа Францыі паблізу Марсэля. Там Лазар стаўся першым біскупам, Марта заклала жаночы кляштар, а Марыя пакутавала ў недалёкай пустэльні.

Сьв. Марта — апякунка хатніх гаспадыняў, кухараў, прыбіральшчыкаў, работнікаў гатэляў, а таксама патронка заблукалых. На Ўсходзе памяць сьвятой ўшанавана ад V ст., а на Захадзе — ад VIII ст.

(паводле http://brewiarz.pl/czytelnia/swieci)